HOSTEL RULES

BOYS’ / GIRLS’ HOSTEL  DAN LEH HRAI

A. PHONE CHUNGCHANG:

1. Zirlaiin hostel chhungah phone a kawl tur a ni lo. Man a nih chuan a fine bakah kar hnih chhung suspend a ni anga, a bungrua zawng zawng nen suspend chhung hian a chhuak  ang. Phone pawh School a chhuahsan dawnah pek leh chauh tur a ni.

2. Zirlaiin Hostel phone nitin tlai dar 3:30 - 5:30 thleng a thlawnin a hmang thei anga, hemi chhung hian an chhungte pawhin an rawn be thei ang. Girls’ Hostel - 0389 2314436, Boys’ Hostel - 0389 2326493

3. Phone hi zirlai zawng zawng tan a nih avangin outgoing leh incoming call hi rei tak a ni tur a ni lo.

4. Emergency a nih loh chuan inbiak hun chhung siam bakah hian zirlai biak phal an ni lo.

5. Zirlai leh an chhungte Cook phone hmanga inbiak hi loh theih loh a nih loh chuan phal a ni lo.Warden ngaimawh leh mitkham thil a awm chuan a tul anga action lak tur a ni.

B. ZIRLAI TLAWH CHUNGCHANG:

1.Zirlaite tlawh hun (Visiting Day) hi thlatin inrinni vawi 2 na a ni a, Dar 9:00 a.m. - Dar 4:00 p.m. thleng a ni ang.

2. Visiting Day bakah hi chuan zirlaite tlawh phal a ni lo.|ul bik a awm a nih chuan Warden phalna la hmasa in hmuh theih an ni ang.

3. Zirlai room chhungah chhungte emaw thiante emaw tumah luh phal a ni lo. Session tan tirh leh tawpah (in hruai luh leh inhruai chhuahah) erawh chuan chhungte luh phal a ni.

C. PAWN LAMA CHHUAH CHUNGCHANG:

1. Zirlaite pawn lama an chhuah phal a ni lova. Pawisa, thil thawn,adt., pawh chhung ten an rawn pe tur a ni. Hei hi a remchang ngang lo a nih chuan zirlai chhungten Warden hnenah phalna an dil tur a ni.

Girls’ Warden - 9436149954

Boys’ Warden - 8014537118

2. Zirlaite Warden phalna la loa an chhuak a nih chuan (a hla emaw/a hnai emaw) suspend emaw, hnawhchhuah emaw thlengin action lak theih a ni ang.

D. STUDY HOUR CHUNGCHANG:

1. Zirlaite study hour ah anmahni room a awmlo man an nih chuan amah bakah a lenna ten Rs 10 an fine ang. Man nawn an nih chuan a letin fine an pe zel tur a ni.

2. Study hour ah insuk /inbual / TV en phal a ni lo.

E. CURRENT/ LIGHT CHUNGCHANG:

1. Warden in Bathroom light off loh leh chhuna Corridor Light off loh a hmuh chuan floor-a zirlai zawng zawng in Rs 5 an fine vek anga, Warden in bawlhhlawh a hmuh pawhin Rs 5 an fine vek ang. Chhuna room light off lo (except D - 07 for Girls) te pawhin Rs 5 theuh an fine ang.

2. Zirlaiin current/power supply hmang tuilumna leh thildang rooma an kawl leh hman phal a ni lo. Hetiang ti an awm a nih chuan Wardenin an thil kawl te laksakin a tul angin action pawh a la thei ang.

F. BUNGRUA ENKAWL CHUNGCHANG:

1. Room felfai taka vawn tur a ni. Dawhkan leh bangah te engmah ziah ran tur a ni lo. Hetiang ti hmu an nih chuan a tul angin Warden in a fine tir ang.

2. Hostel bungrua dimdawi taka enkawl tur a ni a, a chhia a nih chuan Warden hnenah arang thei ang bera report tur a ni. Fimkhur loh leh dim loh vanga chhia anih chuan a tul angin fine tir theih an ni.

3. Hostel Istiri (Iron) Floor tinah a awm a, hei hi roomah lakluh loh tur a ni. Tin, study hour-ah innawh phal a ni lo.

G. DUTY CHUNGCHANG:

1. Monitor/ Monitress (Work i/c) in Duty Roster a siam thin a, mahni duty uluk taka tih tur a ni. Duty ti tha lo chu hremna pek tur an ni ang.

H. TUI LEH CHAW EI CHUNGCHANG:

1. Girls’ Hostel tan Tui hi zing leh tlaiah hawn thin a ni a, hemi chhung hian a ren thei ang bera hman tur a ni a, Bucket-ah dahkhawl bawk tur a ni.

2. Boys’ Hostel tan zing tin tui pump thin a ni a, Monitor (Work i/c) in tui pump tur a a ruat ten taima taka pump thin tur a ni. Pump tha lo te chungah a tul angin action lak a ni ang.

3. Zingah dar 7:15 ah chaw ei tur a ni a, tumah Dinning Hall ah luh tlai loh tur a ni a, chaw ei hun loah chaw ei phal a ni lo.

4. Room chhungah chaw ei tur lakluh phal a ni lo a, hetiang ti an awm chuan Warden in a tul angin action a la ang.

5. Exam lai a nih loh chuan Hostel mess pangngai baka in tuituah phal a ni lo.

6.Chokaah zirlai luh phal a ni lo, eirelna leh bungrua a hmangin a la chhuak tur a ni lo.

I. INKHAWM CHUNGCHANG:

1. Zan tin devotion neih a ni a, Monitor/ Monitress (Devotion i/c) in chanvo a pek ten tha taka hlen tur a ni.

2. Dam loh vang ni lo a devotion awm lo te chuan Rs 10 an fine ang.

3. Inrinni zan, Sunday School , Pathianni chawhnu leh zan te Mission Vengthlang Kohhranah inkhawm thin a ni a, Hmeichhe tan pawnfen chhing lutuk, kawr pan, awmzau leh banbul lutuk hak loh tur a ni, puanbih duh pawhin a plain chauh an bih tur a ni.

4. Inkhawm dawnin dar hmasa rik ruala chhuah tur a ni a, kal leh haw kawngah khawiah mah pen kawi loh tur a ni.

J. HREMNA LEH SUSPEND CHUNGCHANG:

1. Dan zawm tha lo chu hnathawh tir emaw pawisa chawi tir emaw an ni ang. Warden in Rs 100 thleng a chawi tir thei ang.

2. Suspend tul an awm a nih chuan Chairman/Secretary te hriatpuiin Warden in a suspend ang.

3. Hnawhchhuah ngai an awm chuan Hostel Committee in a rel ang.

K. THIL DANG:

1. Damloh nikhuaah a rang thei angin Warden hnenah in report in damdawi a lam theih ang.

2. Heng hi Pathianniah tih/khelh phal a ni lo - Carrom Board, Chinese Checker, puan thui, inkawibah,adt.

3. Ruihtheih thil - zu, damdawi, zuk leh hmuam, meizial, kuhva, adt., tih phal a ni lo. Hetiang ti man an awm chuan Hostel atanga hnawhchhuah thlengin action lak theih a ni ang.

4. Thla tin ni 15 hmain Fee pek tur a ni, engemaw avanga pe thei lo chuan Warden hrilh tur a ni ang.

5. Zingah dar 5:00 (Summer) 5:30 (Winter) ah roll call thin a ni a, absent chuan Rs 10 a fine anga, absent nawn chuan fine hi a letin a pung zel ang.

6. Zirlai a fail a nih chuan a kum lehah Hostelah a awm nawn thei tawh lo ang. Class IX leh Class XI te an pass chuan a kum lehah interview ngai loin an awm leh nghal thei ang. Amaherawhchu an discipline a that loh chuan an awm nawn thei tawh lo ang.

NITIN HUN HMAN DAN TUR

ZING THAWH - DAR 5:00/5:30

THINGPUI IN - DAR 6:00

STUDY HOUR - DAR 6:00 - 7:00

TUK|HUAN EI HUN - DAR 7:15

CHHUN THINGPUI - DAR 11: 45

STUDY HOUR - DAR 3:00 - 4:00

FREE TIME - DAR 4:00 - 4:30

ZANRIAH EI HUN - DAR 4:30 - 5:00

FREE TIME - DAR 5:00 - 5:30

DEVOTION - DAR 5:30

STUDY HOUR - DAR 6:30 - 9:30

HOSTEL-A AWMTURTE TANA TULTE

A. FEES :

1.Caution/Security Deposit : Rs 1,000/-

2.Mess Fees: Rs 1,800/-

3.Maintenance Fee: Rs 200/-

4.Medical: Rs 100/-

5.Establishment: Rs 500/-

TOTAL: Rs 3,600/-

(Hostel luh niah fee hi pek nghal tur a ni)

B. KEN LUH TURTE :

1. Mutbu (Bedding, Thosilen etc.)

2. Thleng leh Bowl

3. Thingpui in No

4. Tui No

5. Bucket

6. Jug/Water Bottle

7. Tuthlawh/Chem kawm

8. Bible leh Kristian Hla bu

9. Emergency Light

10. Chempui (Boys)